係時候了~~~

今日十一點半先至起身，喉嚨乾涸咁滯。食左藥好少少啦...但仍然頭fing fing，口擘擘咁。(成個低能兒童咁！)

諗下今日有咩做？都係好似好得閒咁喎...係時候再諗下個故仔點樣寫落去。

前日一條友仔膽粗粗咁走去飲茶(喂，飲茶唔洗膽粗粗下wa?)，一路食，啲靈感就係咁黎，擋都擋唔住，呢個時間梗係唔係食益達啦，即刻寫係電話記事簿到。或者一個人去飲茶有少少礙眼咁，d人行經我個位都眼超超，我心諗﹕唔洗嘩...一個靚仔飲茶，未見過咩？(可能人地真係咪見過咁鬼死靚既靚仔獨自飲茶呢！)
比人超左幾次...都係快d食埋個lunch，上返屋企。

前幾日睇到一個新聞報導，三、四十年後香港將會沒有冬天。噢...我的天！人類始終要自食惡果。
我諗"還我一個冬天"的諗法，真係一個幻想。

最近決定再次一完比賽的心願，己開始積極備戰了。希望不會有什麼意外吧...