一個神化小子的誕生．．．英式響過美式．．．

識我既人都知道我係桌球波痴。點解我會變成一個波痴？等我講下故先‧‧‧

話說有一個靚仔(係...係一個靚仔，細個0個陣時，個個大人都咁同我講。) ，我細細個幼稚園高班既時候，係電視上見到d大人係張枱搵支棍篤篤下...將d波仔推入個隆度。我第一個感覺就係玩緊彈波子咁。
唔知你地細個既時候有冇玩呢d玩兒呢？ 我兒時就係咁彈下彈下，好開心咁同朋友仔彈波子。

有一日，我就攞左阿媽其中一對既其中一枝既筷子黎當棍篤波...子。哈哈....好低能。當時細細個就咁趴係地下度篤篤下...諗下個樣都....勁搞笑！

跟住由細個到出黎做野既第四年，我諗由細個到大個，前後都有十五年，我未試過去波樓打波。當中都係好玩排球、羽毛球、籃球、乒乓球。玩得最好都係排球，但自己朋友只係玩籃球...跟住轉玩籃球，直至一次籃球意外整斷左左手手腕...開始醉心於桌球。而自己只是三年前才真正拿起cue棍打桌球...而家都打到咁勁!!!（係．．．我個人認為係好勁．．．唔該唔好駁故）...真係可惜當時細個無去比我打波。可能傳家俊都唔係我既對手（唔係．．．係絕對有可能都唔係我既對手）。

今日去左會所打波，隔離係一張美式桌球台，有兩個大男人係度打波，我打度係咁起break...突然間聽度佢地講....英式桌球易打過美式喎~~~~~~~~我心諗: 唔係呀你...係人都知英式難打過美式。英式桌球係世界上第二難打既運動。小喇叭呀~~~過黎挑機囉咁多嘢講!!!!!!!!!!　當然我唔會挑佢地機， 我go on我既練波...再黎cue cue響袋，話佢地知，英式都可以響過美式。